Survista da las expressiuns

Qua vegnan explitgadas tut las expressiuns impurtantas en connex cun la reclama online basada sin il cumportament.

Rait da reclama

In’interpresa che collia paginas-web e possessurs da medias cun ils incumbensaders da reclama adattads.

• Per englais era: advertisingnetwork ubain ad network

Cookie

In cookie è ina pitschna datoteca che consista da bustabs e da cifras. Quella vegn memorisada sin Voss computer, cura che Vus visitais tschertas paginas-web. Cookies pussibiliteschan ad ina pagina-web da reconuscher il computer d’in utilisader. Il cookie sez na cuntegna u relevescha naginas infurmaziuns. Cookies vegnan duvrads en la reclama online basada sin il cumportament per identifitgar utilisaders cun ils medems interess, uschia ch’els obtegnan reclama pli relevanta.

• Per englais era: cookie, HTTP cookie ubain browser cookie

Reclama contextuala

Reclama che vegn inserida automaticamain tenor ils cuntegns d’ina pagina-web.Sch’in utilisader visita p.ex. ina pagina-web cun criticas da film, pon vegnir inseridas reclamas per novs films da kino, per novs DVDs u per artitgels da film. Maschinas da tschertga fan savens reclama contextuala sin las paginas cun ils resultats. Quella sa basa sin ils pleds da tschertga che l’utilisader ha endatà.

• Per englais era: contextual advertising

Reclama da display

Reclama grafica cun banderolas u videosche vegn inserida, cura che utilisaders visitan ina tscherta pagina-web.

• Per englais era: display advertising, web banners ubain banner advertising

Reclama online basada sin il cumportament

Reclama che fa diever d’infurmaziuns davart l’activitad da navigar per furnir reclama adattada ad interess individuals.

• Per englais era: online behavioural advertising, behavioural advertising, behaviour altargeting, interest-based advertising ubain ad matching

Deactivar la reclama online basada sin il cumportament

Utilisaders pon refusar, bloccar u scumandar infurmaziuns da servetschs e products nungiavischads. En quel cas sa tracti da reclama ch’ins obtegna en consequenza da l’activitad da navigar precedenta. Cliccar qua per deactivar la reclama online basada sin il cumportament.

• Per englais era: opt-out

Datas persunalas

Datas che pussibiliteschan – u sulettas u ensemen cun autras datas – d’identifitgar cleramainina persuna. Exempels da datas persunalas èn il num, l’adressa, l’adressa dad e-mail u il numer da telefon. L’expressiun’datas persunalas’ vegn definida en la directiva da l’EU95/46/EC.

• Per englais era: personally identifiable information, PII ubain personal data

Reclama intenziunada

Reclama che sa drizza, sa basond sin infurmaziuns demograficas u sin l’activitad da navigar, intenziunadamain ad ina tscherta gruppa d’utilisaders.

• Per englais era: targeted adverstising, customised ubain personalised advertising

Navigatur

Program per retschaiver e ramassar infurmaziuns or da l’internet e per ordinar e visualisar quellas en ina furma standardisada sin il computer. Exempels da navigaturs èn Internet Explorer, Firefox, Chrome, Safari ed Opera.

• Per englais era: web browser