Questa pagina-web ramassa ed utilisescha infurmaziuns per analisar l'activitad sin la pagina e per meglierar quella. A maun da questas infurmaziuns na pudais Vus però betg vegnir identifitgà. Vus pudais controllar co ch'ellas vegnan ramassadas ed utilisadas.

Davart la reclama online basada sin il cumportament

Nus essan conscients che tscherts utilisaders da l’internet san dapli davart il tema “reclama online basada sin il cumportament” che auters. Questa pagina-web è vegnida elavurada cun l’intenziun da pudair famigliarisar tut las persunas interessadas cun questa tematica.

Ditg curtamain è la reclama online basada sin il cumportamentina sort da reclama digitala che sa fundescha sin l’activitad da navigar. Ella pussibilitescha ad interpresas da pledentar ils interess individuals dals utilisaders da l’internet. La metoda è segira, transparenta e favuraivla per il consument.

Questa pagina-web As porscha scleriments extendids davart las differentas opziuns che Vus avais en l’internet – era co che Vus pudais deactivar reclama online basada sin il cumportament.

Tge è reclama online basada sin il cumportament?

Reclama online basada sin il cumportament(engl.: online behaviouraladvertising OBA u interest-basedadvertising) è ina moda d’inserir sin las paginas-web che Vus visitaisreclama ch’è relevanta per Vus.Sa basond sin l’activitad da navigar vegnan utilisaders cun interess communabels attribuids a gruppas d’interess, uschia ch’els survegnan reclamas che correspundan a lur interess. Quai pussibilitescha da furnir reclamas uschè relevantas e nizzaivlas sco pussaivel.

Co funcziuna la reclama online basada sin il cumportament?

As imaginai che Vus planisais da far in viadi a Roma. Vus visitais ina pagina-web che offra pussaivladads da pernottar ed attracziuns spezialas da la citad. La proxima giada che Vus essas online, p.ex. durant leger in artitgel da Vossa squadra da ballape preferida, vegn inserida ina reclama per ina tschaina 2 per 1 u in’offerta favuraivla per fittar in auto a Roma.Vus obtegnais questas reclamas adattadas a Voss interess, perquai che Vus – ed auters utilisaders da l’internet cun in’activitad da navigar sumeglianta a la Vossa–avais mussà interess per Roma. Questa tecnologia che sulettamain l’internet porscha e che procura che Vus survegnias damain reclama irrelevanta po render pli agreabel Voss temp en l’internet.

what is behavioural advertising

Questa furma da la reclama intenziunada sa basa sin Voss cumportament da navigar precedent. Perquai sa differenziescha la reclama online basada sin il cumportament dad autras furmas da reclama online sco p.ex. la reclama contextuala. La reclama contextualaè adattada al cuntegn d’ina pagina-web che Vus visitais gist en quel mument.


Co vegnan protegidas mias datas persunalas?

Tut las interpresas che porschan reclama online basada sin il cumportament ston observar leschas da l’UE. Per il solitna vegnan betg relevadas datas persunalas per la reclama online basada sin il cumportament che lubissan d’identifitgar Vus sco utilisader en il mund real. Las datas davart Vossa activitad da navigar vegnan relevadas ed analisadas anonimamain. Sche questa analisa demussa che Vus avais in interess particular, vegn memorisà in cookie– ina pitschna datoteca che la plipart da las paginas-web utilisescha per memorisar infurmaziuns nizzaivlas ch’As faciliteschan da navigar enl’internet. Quest cookie (e betg Vossas datas da navigar) determinescha tge reclama che Vus obtegnais. Sch’i vegnan utilisadasdatas persunalas (sco p.ex. datas d’annunzia), vegnis Vus fatg attent a quest fatgen la decleraziun da la protecziun da datas da la pagina-web, cura che Vus As annunziais per tscherts servetschs e dais Voss consentiment areguard il diever da las datas. Vus pudais decider da tut temp, sche Vus vulais profitar da reclama intenziunada adattada a Voss interess u betg. Nua ch’i vegn duvrà datas persunalas, stuais Vus en mintga cas dar Voss consentiment persuenter.

Vus pudais controllar tge cookies che Vus acceptais u refusais. Ultra da quai vegn l’interpresa che releveschaed utilisescha las datas medemamain a porscher a Vus la pussaivladad da refusar reclama online basada sin il cumportament. Cliccar qua per deactivar la reclama online basada sin il cumportament.

Tge far sche jau hai ulteriuras dumondas?

Intginas ulteriuras colliaziuns nizzaivlas:

Copyright © 2009 - 2013 EDAA